Tojikiston poytaxti Dushanbeda o‘tgan bahsda Ulug‘bek Baqoyev murabbiyligidagi Jizzax jamoasi ishonchli g‘alabaga erishdi. 

Uchrashuvning 20-daqiqasida Shoxruz Norxonovning uzatmasidan keyin Jasur Hasanov hisobni ochdi – 1:0

48-daqiqada Javohir Qahramonov Xalilovning uzatmasini golga aylantirdi – 2:0.

60-daqiqada esa Jasur Hasanov yana katta sahnaga chiqdi. 38 yoshli futbolchi ajoyib zarbasi bilan hisobni yiriklashtirdi – 3:0. Bu uning turnirdagi 3-o‘yinda kiritgan 3-goli bo‘ldi. U shuningdek, 3ta assist amalga oshirgan.

Ko‘p o‘tmay, turkmanistonliklar farqni biroz qisqartirishga muvaffaq bo‘lishdi – 3:1. 

Shu tariqa, Dushanbeda o‘tgan guruh bosqichidagi uchinchi o‘yinni ham Jizzax klubi g‘alaba bilan yakunlab, 3 o‘yinda 9 ochko jamg‘argan holda guruh peshqadamligini qo‘lga kiritdi. «So‘g‘diyona» kuzda turnirning mintaqaviy yarimfinal bosqichiga yo‘llanma oldi.

OFK kubogi. 3-tur. 30 iyun
«So‘g‘diyona» - «Oltin asr» (Turkmaniston) – 3:1 
Dushanbe. «Markaziy» stadion. 
Hakam: Ali Hasan Ibrohim (Bahrayn)
Gollar: Jasur Hasanov 20, 60, Javohir Qahramonov 48 – Nurmurat Roziyev 65.
«So‘g‘diyona»: 27. Milan Mitrovich, 2. Sardor Qulmatov, 6. Iskandar Shoyqulov, 7. Shahboz Jo‘rabekov (16. Artyom Filiposyan, 60), 10. Shoxruz Norxonov (8. Marat Bikmayev, 62), 11. Jasur Hasanov (3.Dian Talxatov, 81), 19. Javohir Qahramonov (33.Doniyor Abdumannopov, 62), 21. Abdujalil Manazarov (12.Xislat Xalilov, 46), 31.Luka Chermel, 77. Daniyel Nasriddinov, 93. Marko Kolakovich.
«Oltin asr»: 1. Mammet Orazmuhammedov, 2. Zafar Babajanov, 5. Guychmirat Annaguliyev, 8. Ahmet Atayev, 10. Rahmat Miradberdiyev, 11. Murat Yaxshiyev, 17. Mirat Annayev (29. Nurmirat Roziyev, 58) 18.Furkat Tursunov (12. Ixlas Toyjanov, 58), 20. Begmirat Bayov (3.Selim Atayev, 58), 22. Rovshengeldi Xolmammedov, 27. Velimrat Ballakov ( 14. Ahmad Nurmetov, 79).
Chetlatish: R. Miradberdiyev (Oltin asr), 40.