Avtohalokat 2022 yil 23 iyun tungi soat 01:00 larda A-377 Samarqand – Ayniy xalqaro avtomobil yo‘lining Toyloq tumani markazidan o‘tuvchi qismida sodir bo‘lgan. Toyloq tuman IIB xodimi boshqaruvida bo‘lgan «Matiz» mashinasi tuman markazidagi yo‘ldan qayrilib olayotganda Samarqand – Toyloq yo‘nalishida harakatlanib kelayotgan qora rangli «Malibu» uni urib yuborgan. Oqibatda «Matiz» haydovchisi va mashinadagi ikki yo‘lovchi halok bo‘lgan. Yo‘lovchilardan biri ham IIB xodimi bo‘lgan.

Kun.uz manbasiga ko‘ra, halok bo‘lgan IIB xodimlari Toyloq tumanidagi ikkita mahallada profilaktika inspektori bo‘lib ishlagan. Halok bo‘lgan fuqaro esa 1960 yilda tug‘ilgan bo‘lib, Tepaqishloq mahallasida yashagan. 23 iyun kuni marhumlarning janoza marosimi o‘tkazilgani aytilmoqda.