Qayd etilishicha, joriy yilning o‘tgan 5 oyi davomida avtomobil yo‘llari foydalanuvchilaridan kelib tushgan 67 ta murojaat joyiga chiqib o‘rganildi.

31 ta murojaat bo‘yicha aniqlangan kamchiliklarni bartaraf etish bo‘yicha tegishli ko‘rsatmalar berildi. Ko‘rsatma talablarini muddatida bartaraf etmagan 3 ta holat yuzasidan mansabdor shaxslarga nisbatan tegishli choralar qo‘llash bo‘yicha ma’muriy bayonnoma rasmiylashtirildi.

7 ta holat bo‘yicha 468 mln 69 ming so‘mlik sifatsiz bajarilgan qurilish-montaj ishlarini hisobdan chiqarish bo‘yicha buyurtmachilarga talabnoma kiritildi. Bildirilishicha, shuncha miqdordagi pul – ishlar sifatsiz bajarilgani bois, to‘lab berilmaydi.

Qolgan murojaatlar bo‘yicha ham tegishli qonuniy choralar ko‘rilgan. Mansabdor shaxslarga nisbatan tegishli choralar qo‘llash va keltirilgan zararni qoplash bo‘yicha Ma’muriy javobgarlik to‘g‘risidagi kodeks 147-moddasi 1-qismi asosida ma’muriy bayonnomalar rasmiylashtirilib, sud organlariga yuborildi.