Қашқадарёда уч нафар фуқарони 6,3 минг доллар эвазига Қарши темирйўл узелига ишга киритмоқчи бўлган шахс ушланди

Ўзбекистон 10:23 / 23.06.2022 534

Қашқадарё вилояти ИИб ахборот хизматининг хабар беришича, 2022 йил 13 июн куни вилоят ИИБ ҳамда прокуратура департаменти ходимлари ҳамкорлигида тезкор тадбир ўтказилган.

Тадбирда Косон тумани Пўлати маҳалласида яшовчи шахс уч нафар фуқарони “Ўзбекистон темир йўллари” тизимидаги Қарши минтақавий темирйўллари узелига шу ерда ишловчи танишлари орқали ишга киритишини айтиб, уларнинг ҳар биридан 2100 доллардан, жами 6,3 минг доллар талаб қилиб, пулларни банк пластик картасига тушириб олган пайтда ашёвий далиллар билан ушланган.

Қайд этилишича, ҳолат юзасидан Жиноят кодексининг 168-моддаси 2-қисми “а” банди билан жиноят иши қўзғатилиб, ҳозирда тергов ҳаракатлари олиб борилмоқда.

Аввалроқ, Муборак тумани тиббиёт бирлашмаси ходимлар бўлими инспектори фуқарони тиббиёт бирлашмаси мансабдор шахслари орқали навбатчи ҳамшира вазифасига ишга киритиб қўйиш эвазига 500 доллар ҳамда унинг шахсига оид ҳужжатларини олган вақтида ашёвий далиллар билан ушланганди.

Кўпроқ янгиликлар