Afg‘onistonda sodir bo‘lgan suv toshqinlari oqibatida 400 kishi halok bo‘ldi, deb xabar berdi Tolo News telekanali.
"Yaqinda sodir bo‘lgan suv toshqinlari oqibatida butun Afg‘oniston bo‘yicha kamida 400 kishi qurbon bo‘ldi", - deyiladi telekanal xabarida.
Qayd etilishicha, so‘nggi kunlarda mamlakatning qator viloyatlari, xususan, Kobul, Panjsher, Xo‘st, Paktiya, Nangarhor va boshqa viloyatlarida suv toshqinlari yuz bergan.
"Jarohatlanganlar shifoxonalarga yotqizildi. Uy-joylariga zarar yetgan odamlar evakuatsiya qilindi", - deb ma’lum qildi tabiiy ofatlar oqibatlarini bartaraf qilish vazirligi.
Xabar qilinishicha, o‘nlab gektar yerlar suv ostida qolgan.