Shu bilan birga, muammolar va yechimlarni ochiq muhokama qilish uchun maydon yaratish haqida suhbatlashildi.

Tadbirkorlar tomonidan birqancha og‘riqli masalalar ko‘tarildi. Bahslar davomida:

• inson omilini istisno qilish maqsadida QQS qaytarilishi jarayonini avtomatizatsiya qilish;
• QQS qaytarilishi muddatlarini qonun darajasida aniq belgilab qo‘yish;
• qarama-qarshi tekshiriladigan kontragenlar sonini, ular kompaniyaga bo‘yso‘nmagan holatda, 1-2taga qisqartirish;
• sud hukmisiz hisobraqamlardagi mablag‘larni muzlatish va QQSni qo‘shimcha hisoblash tartibini bekor qilish;
• yetkazib beruvchi tashkilotlarning soliq qarzlari bo‘yicha javobgarligini boshqalarga yuklovchi QQS bo‘yicha uzilish koeffitsiyentini bartaraf qilish (me’yoriy hujjatlarda bu koeffitsiyentning maqomi mavjud emas);
• kameral tekshiruvning muddati va predmetini aniq belgilash bo‘yicha takliflar berildi.

Bu kabi uchrashuvlarni muntazam o‘tkazish kerakligi aytildi. Mas’ullar aloqa raqamlari bilan bo‘lishishdi.

Savdo-sanoat palatasi matbuot xizmati Ⓣ