Хитой эпидемиологик вазият сабабли футбол бўйича 2023 йилги Осиё кубоги мусобақасини қабул қилмайди. Бу ҳақда Осиё футбол конфедерацияси маълум қилди.
Қитъанинг 24 миллий жамоаси иштирокида ҳар тўрт йилда бир марта ўтказиладиган ушбу мусобақа келгуси йил 16 июнидан 16 июлигача Хитойнинг ўнта шаҳрида бўлиб ўтиши лозим эди.
«Осиё футбол конфедерацияси Хитойни ушбу турнирни ўтказиш ҳуқуқидан воз кечишга мажбур қилган COVID-19 пандемияси ҳолатини эътироф этади», — дейилади ОФК баёнотида.
Турнир ўтказиладиган мамлакат кейинроқ эълон қилинади.
