Шифохонада даволанаётган Саакашвили яна қамоқхонага қайтарилишидан хабар топгач ҳушини йўқотди

Жаҳон 10:17 / 28.12.2021 6819

У, шунингдек, ўғлида “қон босими юқорилигини, шу сабабли госпитал шифокорлари унинг қамоқхонага ўтказилишини тўхтатишганини” маълум қилган.  

Ўз навбатида, Саакашвилининг шахсий шифокори Николоз Кипшидзе Горидаги госпиталга ҳеч қандай тушунтиришсиз киритилмаганини маълум қилган. Унинг фикрича, Саакашвилини ҳозирги аҳволида қамоқхонага юбориб бўлмайди, уни кўп тармоқли шифохонада даволаш лозим.

Кипшидзенинг таъкидлашича, Саакашвилини қамоқхонага ўтказиш қарори госпитал шифокорларидан бирининг хулосасига кўра адлия вазирлиги томонидан қабул қилинган.

“Мен шифокорлардан қайси бири Саакашвилининг соғлиғи ҳақидаги маълумотномани имзолаганини билмайман, бироқ бундай ҳужжатни имзолаб бўлмайди. Саакашвили ҳозирда ўрта оғирликдаги бемор бўлиб, уни ҳеч қандай вазиятда қамоққа жўнатиб бўлмайди. Бир неча соат олдин у соғлиғига салбий таъсир кўрсатиши мумкин бўлган руҳий жароҳат олди”, деб айтган мутахассис.

Кипшидзе Саакашвили яна очлик эълон қилиши мумкинлиги ҳақида хавотирли хабарлар пайдо бўлганини қўшимча қилган.

“Бунга йўл қўйиб бўлмайди, йўқса Михаилдан айрилиб қолишимиз мумкин. Мен у даволаниш учун кўп тармоқли клиника ёки хорижга ўтказилишини қатъий талаб қиламан”, деб айтган Саакашвилининг шифокори.

Саакашвили 29 сентябрда Грузияга яширинча қайтгандан кейин 1 октябрда Тбилисида ҳибсга олинганди. Шундан кейин у Рустави шаҳридаги қамоқхонага жойлаштирилган ва бунга норозилик сифатида очлик эълон қилган. 8 ноябрда у яқинлари ва адвокатлари билан келишилмаган ҳолда қамоқхонадан дастлаб Тбилисидаги турма шифохонасига, у ердан 20 ноябрда Горидаги ҳарбий госпиталга ўтказилган.

Кўпроқ янгиликлар