Ma'lum qilinishicha, 2021 yil 30 noyabr kuni soat 19:30 larda Qarshi shahri Shodlik mahallasida joylashgan Abu Ali ibn Sino nomidagi jamoat salomatligi texnikumining 2-sonli yotoqxonasida yashagan M.N. yotoqxona 4-qavatidan sakrab o‘z joniga qasd qilgan.

Marhuma M.N.ning o‘lim sabablari va ishga aloqador bo‘lgan boshqa holatlarga aniqlik kiritish maqsadida sud-tibbiy ekspertizasi tayinlangan hamda ishga aloqador bo‘lgan shaxslardan tushuntirish xatlari olingan. 

Hozirda shahar prokuraturasi tergovga qadar tekshiruv harakatlarini olib bormoqda.

Qayd etilishicha, 2001 yilda tug‘ilgan qiz texnikumning feldsher-akusher yo‘nalishi 2-bosqich talabasi bo‘lgan.