Эстония Россия билан чегарада вақтинчалик тўсиқ ўрнатишни бошлади

Жаҳон 18:32 / 20.11.2021 5441

Эстония Россия билан чегарасининг қуруқликдаги участкасида тиканли симлардан вақтинчалик тўсиқ ўрнатиш ишларини бошлади.

Шарқий префектура оператив штаби бошлиғи Урмас Элмнинг маълум қилишича, шимоли-шарқда Эстония-Россия чегараси асосан табиий сув тўсиғи билан тўсилган. Ҳозирда чегарани ноқонуний кесиб ўтиш эҳтимоли юқори бўлган Нарва дарёсининг собиқ ирмоғидаги қуруқлик участкасида тўсиқ ўрнатиш ишлари олиб борилмоқда.

Беларусь-Польша чегарасида вужудга келган миграцион инқироз сабабли тўсиқлар жадаллаштирилган суръатда ўрнатилмоқда.

Эстония-Россия чегарасининг умумий узунлиги 338 километр бўлиб, бунинг 76 километри Нарва дарёси ва 127 километри Чуд кўли бўйлаб ўтади. Қуруқликдаги чегаранинг узунлиги 135 километрни ташкил этади ва у асосан юриш қийин бўлган ўрмонлардан ўтган.

Аввал тасдиқланган режага кўра, тўсиқ ўрнатиш ишлари 2026 йилга бориб якунланиши лозим.

Кўпроқ янгиликлар