Agar siz:

• avtomobillar olami;
• qurilish va uy-joy ta'miri;
• dizayn;
• taom tayyorlash;
• sayohat;

yoki boshqa, o‘zingiz qiziqqan sohada turkum ko‘rsatuvlar tayyorlashga qiziqsangiz, bu ajoyib imkoniyat – biz sizni Kun.uz'da kutyapmiz!

Talablar:

Eng muhimi – o‘zingiz tanlagan yo‘nalishni zamonaviy usulda ochib berish.

Jurnalistika yoki unga yaqin yo‘nalishlarda o‘qigan yoki o‘qiyotgan bo‘lsangiz, unda yanada yaxshi.

Suhbatga chaqirishimiz uchun o‘z iqtidoringizni bizga ko‘rsating:

• avval tayyorlagan videolaringizni yoki yangi lavha tayyorlab jo‘nating;
• o‘zingiz va qiziqishlaringizni 1-2 daqiqalik stendap-videoda gapirib bering va uni bizga yuboring;
• yuqorida biz aytgan yo‘nalishlardan qaysi birida o‘zingizni qobiliyatliman, deb o‘ylaysiz, ana shu yo‘nalishda ham qisqa lavha yuborishni unutmang!

Jamoamizga ingliz tilida ravon gapira oladigan yoshlar ham kerak. Yangi loyihalarimizning ayrimlari xorijiy tillarda tayyorlanadi. Ingliz tilida erkin gapira oladigan nomzodlardan faqat o‘zlarini tanishtirgan stendap-video yuborish so‘raladi xolos (ingliz tilida, albatta).

Ha aytgancha, har xil savollar berib, bizning ham o‘zingizning ham vaqtingizni behudaga sarflamang. Shunchaki videolavhalarni yuboring va bog‘lanish uchun telefon raqamingizni qoldiring.

Videolaringiz ma'qul bo‘lsa, o‘zimiz siz bilan bog‘lanamiz.

1 oy ichida siz bilan bog‘lanmasak va javob yozmasak, bilingki, bu nomzodingiz tanlovdan o‘tmaganini bildiradi.

Videolarni @kunuz_team Telegram-manziliga yuboring.