Россиядан Ўзбекистонга пул ўтказмалари ҳажми 35 фоизга ошди

Иқтисодиёт 15:51 / 04.11.2021 13142

Бу ҳақда Европа тикланиш ва тараққиёт банкининг (ЕТТБ) «Минтақавий иқтисодиёт истиқболлари» ҳисоботида айтилади.

Ҳужжатда қайд этилишича, прогноз келажакда COVID-19 билан боғлиқ ноаниқликлар, халқаро туризмнинг қайта тикланиши ва Марказий Осиёдаги геосиёсий вазият туфайли қайта кўриб чиқилиши мумкин.

Ҳисоботга кўра, хизмат кўрсатиш соҳаси ўтган йилга нисбатан 19,5 фоизга, саноат маҳсулотлари ишлаб чиқариш 9 фоизга, қишлоқ хўжалиги 4,2 фоизга ўсган.

2021 йилнинг саккиз ойида Россиядан пул ўтказмалари доллар ҳисобида ўтган йилга нисбатан 35 фоизга ошди.

Бундан ташқари, кредитлаш ҳажми ўсиши 2021 йил июнь ойида реал кўрсаткичларда ўтган йилги 12 фоиздан 22 фоизга тезлашди, бу эса кучли иқтисодий фаолликни акс эттиради. Шу билан бирга, инфляция 2020 йил декабрдаги 11,1 фоиздан 2021 йил октябр ҳолатига кўра 10,8 фоизга тушди.

Умуман олганда, ЕТТБ 2021 йилда ҳудудларнинг ривожланиши прогнозини 5,5 фоизгача оширди.

Биринчи ярим йилликнинг ижобий натижаларидан сўнг, июн ойидаги прогноз 1,3 фоизга қайта кўриб чиқилганига қарамай, банк келажакдаги хатарлар ҳақида огоҳлантирмоқда.

Хомашё ва энергия ташувчилар нархининг юқорилиги, меҳнат бозорларининг ёмонлашуви, таъминот занжиридаги узилишлар ва ЕТТБ фаолият юритаётган бир қанча мамлакатларда маҳаллий валюталарнинг заифлашиши коронавирус билан касалланганлар сонининг охирги ўсишидан аввал инфляция тўлқинларини кучайтирди. 

2021 йил сентябр ойида минтақаларда инфляция даражаси 2019 йил якуни бўйича ўз даражасидан ўртача 3 фоизга ошди. Инфляцияга қарши курашиш учун ЕТТБ ишлайдиган минтақалардаги айрим марказий банклар асосий фоиз ставкаларини оширди.

ЕТТБ фаолият юритаётган айрим мамлакатларда меҳнат бозорининг ёмонлашуви инфляция босимини кучайтирди, бунда паст ва ўрта малакали ишчилар бўш иш ўринларини эгаллаган. Бошқа давлатларда меҳнат бозорлари сезиларли сустликни бошдан кечиришда давом этмоқда. 2020 йил февраль-август ойлари орасида ишсизлик даражаси ўртача 1,4 фоизга ошди, ишчи кучи иштироки даражаси эса ўртача 0,5 фоизга камайди.

Кўпроқ янгиликлар