Энг кўп пластик чиқинди ёрлиқлари Coca-Cola, PepsiCo ва Unilever компанияларига тегишли, деб ёзади rb.ru.

Маълум қилинишича, Breakfreefromplastic ҳаракатининг 11 мингдан ортиқ кўнгиллилари томонидан сув омборлари қирғоқларида ўрганишлар ўтказилди. Улар 45 мамлакат қирғоқларида топилган пластик чиқиндиларни ўрганиб чиқишди.

Ўрганиш натижасига кўра, Coca-Cola сайёрани энг кўп ифлослантирувчи бўлиб чиқди. Мазкур компания ёрлиқлари ёпиштирилган пластик чиқиндилар 39 мамлакатдан топилди. Иккинчи ўринда Coca-Cola’нинг рақобатчиси PepsiCo. Косметика ва шахсий гигиена маҳсулотлари ишлаб чиқарувчи Unilever компанияси эса учинчи ўринда.

Кўнгиллилар 39 мамлакатдан 19,8 минг дона Coca-Cola пластик чиқиндиларини топишган. PepsiCo компанияси пластик чиқиндилари эса икки баравар камроқ – 8,2 минг дона. 6 минг донага яқин пластик чиқинди элементлари Unilever компаниясига тегишли.

Breakfreefromplastic ҳар йили сайёрани энг кўп ифлослантирувчи компаниялар рўйхатини тузади. Уч йилдирки, Coca-Cola ва PepsiCo рўйхатда етакчилик қилиб келмоқда. Ўтган йили Unilever ўрнини Nestle эгаллаган.