«Конституцияга мамлакат суверенитетига таъсир кўрсатадиган лойиҳаларда қатнашишни тақиқловчи норма киритамиз» — Алишер Қодиров

Ўзбекистон 20:47 / 13.10.2021 3666
  • «Ўзбекистон конституциясига мамлакат суверенитетига таъсир кўрсатадиган ва миллий қадриятларни камситадиган лойиҳаларда иштирок этишни тақиқловчи норма киритиш ташаббус қилинади.
  • Жаҳон савдо ташкилотига аъзо бўлиш тезлаштирилади. Ўзбекистон Республикаси конституциясида нафақат иқтисодий манфаатлар, балки қадриятларига мос бўлмаган ҳар қандай иқтисодий, ижтимоий, сиёсий ҳамкорликларга йўл бермайдиган норма акс эттирилади.
  • Марказий Осиё кенг қамровли интеграцион ҳамкорлик майдонига айлантирилади. Ўзбекистон ташқи сиёсатида энг муҳим устувор йўналиш сифатида Марказий Осиё мамлакатлари, жумладан Афғонистон билан ҳам яқин иқтисодий ва сиёсий муносабатлар йўлга қўйилади.

«Хориждаги ўзбеклар мулоқот клуби» ташкил этилиб, дунёнинг турли ҳудудларида истиқомат қилаётган ўзбеклар билан мулоқот майдони яратилади. Хориждаги ўзбекларни қўллаб-қувватлаш фонди, Миллий ўзбек қадриятларини тарғиб қилиш жамғармалари ташкил этилади», – дейилади номзод дастурининг бешинчи – ташқи сиёсат бобида.

Алишер Қодиров ўз дастурида, шунингдек, сайловчилар унга овоз берган тақдирда, бу ишончни бор кучи билан ҳаракат қилишга ҳам ваъда берган.

Кўпроқ янгиликлар