Xiaomi rekord darajada samaradorlikka ega smartfonini taqdim etadi. Bu haqda GSM Arena nashri xabar berdi.

Insayderlarning so‘zlariga ko‘ra, ushbu qurilma smartfonlar bozoridagi eng kuchlisi bo‘ladi. AnTuTu benchmarki natijalaridan ma'lum bo‘lishicha, Xiaomi Black Shark 4S smartfoni 887 ming ball to‘plab, bozordagi eng samarador Black Shark 4 Pro smartfonini ortda qoldirgan.

Qurilma Qualcomm Snapdragon 888+ protsessoriga ega bo‘ladi. Uning tezkor xotirasi 16 va doimiy xotirasi 512 gigabaytni tashkil etadi.  

Manbalarning aytishlaricha, devaysga AMOLED ekran o‘rnatiladi. Yangi smartfon 13 oktyabr kuni taqdim etiladi.

Sentyabrda AnTuTu benchmarki eng kuchli Android-smartfonlar ro‘yxatini e'lon qilgandi. Reytingda Xiaomi Black Shark 4 Pro yetakchi bo‘ldi, shuningdek, Iqoo 8 Pro va RedMagic 6 Pro smartfonlari yuqori uchlikdan joy oldi.