Xiaomi бозордаги энг кучли смартфонни тақдим этади

Фан-техника 20:48 / 11.10.2021 18043

Xiaomi рекорд даражада самарадорликка эга смартфонини тақдим этади. Бу ҳақда GSM Arena нашри хабар берди.

Инсайдерларнинг сўзларига кўра, ушбу қурилма смартфонлар бозоридаги энг кучлиси бўлади. AnTuTu бенчмарки натижаларидан маълум бўлишича, Xiaomi Black Shark 4S смартфони 887 минг балл тўплаб, бозордаги энг самарадор Black Shark 4 Pro смартфонини ортда қолдирган.

Қурилма Qualcomm Snapdragon 888+ процессорига эга бўлади. Унинг тезкор хотираси 16 ва доимий хотираси 512 гигабайтни ташкил этади.  

Манбаларнинг айтишларича, девайсга AMOLED экран ўрнатилади. Янги смартфон 13 октябр куни тақдим этилади.

Сентябрда AnTuTu бенчмарки энг кучли Android-смартфонлар рўйхатини эълон қилганди. Рейтингда Xiaomi Black Shark 4 Pro етакчи бўлди, шунингдек, Iqoo 8 Pro ва RedMagic 6 Pro смартфонлари юқори учликдан жой олди.

Кўпроқ янгиликлар