AQSh «Tolibon» hukumati tan olinishi shartini ma'lum qildi
Blinkenning so‘zlariga ko‘ra, AQSh Afg‘oniston bilan hamkorlikning yangi bosqichini boshlamoqda.

Foto: AQSh davlat departamenti
AQSh davlat departamenti rahbari Entoni Blinken toliblar hukumati tan olinishi uchun bajarilishi lozim bo‘lgan shartlarni ma'lum qildi.
Uning so‘zlariga ko‘ra, AQSh «Tolibon» bilan faqat o‘z milliy manfaatlaridan kelib chiqqan holda hamkorlik qiladi.
«Tolibon» xalqaro e'tirof va qo‘llab-quvvatlovga harakat qilmoqda. Aytar gapimiz shu: har qanday e'tirof va qo‘llab-quvvatlovga munosib tarzda bo‘lishi kerak. Toliblar safar qilish erkinligini ta'minlash, afg‘on xalqi, jumladan, ayollar va ozchilikning asosiy huquqlarini hurmat qilish, terrorizmga qarshi kurashish bo‘yicha majburiyatlarini bajarish, Afg‘onistonda qolishni istaganlarga nisbatan qatag‘on o‘tkazmaslik, afg‘on xalqi ehtiyojlari va sa'y-harakatlarini aks ettiruvchi inklyuziv hukumat tuzish orqali bunga erishishlari mumkin», — dedi Blinken.
U «Tolibon» Afg‘onistonning AQSh va uning ittifoqchilariga nisbatan tahdid soladigan terrorchilar uchun bazaga aylanishiga yo‘l qo‘ymaslik majburiyatini olganini eslatib o‘tdi.
Bundan tashqari, Blinken AQSh Kobuldagi elchixonasini Dohaga ko‘chirganini ma'lum qildi.
Uning so‘zlariga ko‘ra, AQSh Afg‘oniston bilan hamkorlikning yangi bosqichini boshlamoqda.
Mavzuga oid

23:00 / 13.03.2025
Putin AQSh va Ukrainaning 30 kunlik otashkesim taklifiga rozi bo‘ldi

22:06 / 13.03.2025
AQSh harbiylari Xitoyga qurollar haqidagi maxfiy ma’lumotlarni sotgani ma’lum bo‘ldi

21:18 / 13.03.2025
Putin: Rossiya Ukrainada o‘t ochishni to‘xtatishga ba’zi shartlarda tayyor

19:11 / 13.03.2025