O‘zbekiston | 18:43 / 24.06.2021
2135
2 daqiqa o‘qiladi

Zangiotada fuqaroning uyi yonib ketdi

Foto: Favqulodda vaziyatlar vazirligi

Toshkent viloyati Zangiota tumanida fuqarolardan biriga tegishli xonadonda yong‘in sodir bo‘lgan. Bu haqda Favqulodda vaziyatlar vazirligi xabar bermoqda.

Ma'lum qilinishicha, bugun, 24 iyun kuni soat 16:45da Toshkent viloyati FVB navbatchi dispetcherlik xizmatiga Zangiota tumani «Eshonguzar» MFY, Sharq Yulduzi ko‘chasi 15-uyda yong‘in sodir bo‘layotgani to‘g‘risida xabar kelib tushgan.

Mazkur xabarga asosan, soat 16:51da voqea joyiga 6 ta yong‘in-o‘chirish ekipaji yetib borib, soat 17:06da yong‘in o‘rab olingan va soat 17:41da bartaraf etilgan. Yong‘in oqibatida uyning taxminan 200 metr kvadrat maydonida tom va shift qismi yonib ketgan.

Qayd etilishicha, hodisada hech kim tan jarohatlari olmagan. Hozirda yong‘in sababi hamda keltirilgan moddiy zarar miqdori aniqlanmoqda.

Mavzuga oid