Davlat statistika qo‘mitasi ma'lumotlariga ko‘ra, 2021 yilning yanvar-aprel oylarida qiymati 186 mln AQSh dollariga teng bo‘lgan 327,9 ming tonna meva va sabzavotlar eksport qilingan.
2020 yilning yanvar-aprel oylarida esa oziq-ovqat mahsulotlarining asosiy qismi bo‘lgan 185,4 mln dollar qiymatli 362,6 ming tonnadan ziyod meva-sabzavot eksport qilingan.
Bu 2021 yilning 4 oyida eksport hajmi o‘tgan yilning shu davriga nisbatan 9,6 foizga kam bo‘lganini ko‘rsatadi.
Eksport hajmi qisqarganiga qaramay, 2021 yilda meva-sabzavot eksportidan kelgan mablag‘ 2020 yilga qaraganda 0,6 million dollarga ko‘payganini kuzatish mumkin.
Statqo‘mga ko‘ra, 2020 yilda 2019 yilning mos davriga nisbatan (yanvar-aprel) meva va sabzavotlar eksporti 42,4 foizga kamaygandi.
2021 yilning 4 oyida ushbu mahsulotlar eng ko‘p eksport qilingan:
- meva va rezavorlar – 34,3 ming tonna,
- quritilgan meva va rezavorlar – 23,1 ming tonna,
- sabzavotlar – 263 ming tonna,
- qalampir – 5,4 ming tonna,
- uzum – 2 ming tonna,
- mayiz – 14,5 ming tonna,
- yeryong‘oq – 8,4 ming tonna,
- tarvuz-qovun – 309,8 tonna.
O‘zbekiston 2021 yilning yanvar-aprel oylarida meva va sabzavotlarni eng ko‘p eksport qilgan TOP-10 davlatlar ro‘yxatida Qozog‘iston yetakchilik qilmoqda:
- Qozog‘iston – 41,4 mln.
- Rossiya – 37 mln.
- Xitoy – 24,3 mln.
- Pokiston – 20 mln.
- Qirg‘iziston – 15,7 mln.
- Afg‘oniston – 10,7 mln.
- Ukraina – 4,3 mln.
- Turkiya – 4 mln.
- Ozarboyjon – 3,6 mln.
- Turkmaniston – 3,3 mln.
Shuningdek, O‘zbekiston Belarus (2,6 mln), Germaniya ( 2,4 mln), AQSh (2,3 mln), BAA ( 2,0 mln), Tojikiston (2,0 mln), Iroq (1,5 mln) va boshqa davlatlarga (8,7 mln AQSh dollari) meva va sabzavot eksport qilgan.
