Toshkent tumanida gaz quvurlarini kuz-qish mavsumiga tayyorlash munosabati bilan 24-27 may kunlari oralig‘ida gaz ta'minotida uzilishlar kuzatiladi. Bu haqda Toshkent tumani hokimligi axborot xizmati xabar bermoqda. 

«Toshkent tumanidagi gaz quvurlarini va undagi qurilmalarni 2021-2022 kuz-qish mavsumida barqaror ishlashiga tayyorlash, aholi va ijtimoiy soha obektlarini uzluksiz tabiiy gaz bilan ta'minlash maqsadida "Toshkent tumangaz" gaz ta'minoti bo‘limi tasarrufida bo‘lgan foydalanishdagi yuqori va o‘rta bosimli gaz quvurlarini loyihaviy bosimga ko‘tarib sinash, yer osti quvurlari himoya qobig‘ini maxsus uskuna yordamida tekshirish ishlari olib borilishi munosabati bilan, joriy yilning 24-27 may kunlari ertalab soat 08-00dan ish yakunlangunga qadar bo‘lgan vaqt davomida tabiiy gaz ta'minoti vaqtinchalik  to‘xtatilishini ma'lum qilamiz», deyiladi xabarda.