Ertaga Toshkent shahrining Olmazor hamda Shayxontohur tumanlarida elektr energiyasida vaqtinchalik uzilishlar bo‘ladi. Bu haqda «Toshkent shahar ETK» AJ xabar bermoqda.

 «Toshkent shahar ETK» AJ tasarrufidagi elektr qurilmalari va tarmoqlarini mavsumga shay holatga keltirish uchun mukammal ta'mirlash rejasiga asosan, ertaga, 20 may kuni 110/10/6 kV.li yuqori kuchlanishga ega «Vystavochnaya» podstansiyasining ISSh – 6 kV.li qismida mukammal ta'mirlash ishlari olib borilishi sababli Olmazor va Shayxontohur tumanlarining ayrim hududlarida elektr energiyasi ta'minotida uzilishlar kuzatiladi.

Olmazor tumani – Talabalar shaharchasi, O‘zMU, Texnika universiteti, «Ziyo» MFY, «Universitet» MFY hamda «A. Hidoyatov» MFYlaridagi aholi xonadonlari hamda kichik tadbirkorlik sub'yektlari;

Shayxontoxur tumani – «Tinchlik» MFY, «Ilg‘or» MFY, «Jarariq» MFYlaridagi aholi xonadonlari hamda kichik tadbirkorlik sub'yektlariga elektr energiyasi yetkazib berilishida vaqtinchalik uzilishlar sodir bo‘ladi.