Rossiyada ijtimoiy tarmoqlarda ro‘yxatdan o‘tish uchun pasport so‘ralishi mumkin

Aloqa, axborot texnologiyalari va ommaviy kommunikatsiyalarni nazorat qilish bo‘yicha federal xizmat («Roskomnadzor») shaxsiy ma'lumotlarni qayta ishlash mexanizmi doirasida ijtimoiy tarmoq va messenjerlarning yangi foydalanuvchilaridan pasport nomeri, telefon raqami va elektron pochtasi so‘rashi mumkin. Bu haqda «Kommersant'» nashri xabar bermoqda.

«Roskomnadzor» loyihasida yagona informatsion tizimning shaxsiy ma'lumotlarni qayta ishlash mexanizmlari tushuntirilgan. 1 iyuldan boshlab ma'lumotlar operator (ijtimoiy tarmoq yoki messenjer) rozilik to‘plashni tashkillashtirishi kerak. Foydalanuvchilar ma'lumotni ijtimoiy tarmoq platformasi yoki «Roskomnadzor» tizimi orqali taqdim qilishni tanlashlari kerak. Ikkinchi variant tanlanganda ma'lumotlar davlat xizmatlari portali orqali tasdiqlanadi va bunda pasport raqami va boshqa ma'lumotlar kiritilishi shart.

Bu talablarga rioya qilmagan ijtimoiy tarmoqlarga 100 ming rublgacha jarima solinishi mumkin. Loyiha «Shaxsiy ma'lumotlar haqida»gi qonunga o‘zgartishlar kiritish doirasida tayyorlanmoqda. O‘zgartirishlar qisman mart oyidan boshlab amal qila boshlaydi.

10 mart kuni Rossiya axborot agentliklari «Biometriya» mobil ilovasi ishga tushirilishi va u foydalanuvchilar unga o‘z biometrik ma'lumotlarini kiritib, turli xizmatlardan elektron shaklda foydalanish imkoniga ega bo‘lishini ma'lum qilgandi. O‘z navbatida, «Kommersant'» bir necha manbalarga tayangan holda hukumat biometrik ma'lumotlarini taqdim qilmagan rossiyaliklarni ayrim davlat xizmatlaridan masofadan turib foydalanishdan mahrum qilmoqchi ekanini yozgandi.