«UzAuto Motors 3 martdan boshlab mijozlarga kompaniyaning eng xaridorgir modellari hisoblangan Cobalt, Spark, Nexia va Lacetti avtomobillarini sotib olish bo‘yicha shartnoma tuzish jarayonini qayta boshlaydi», deya xabar bermoqda Kun.uz muxbiri.
Shu yilning fevral oyi boshida Spark, Nexia, Cobalt va Lacetti avtomobillarini xarid qilish uchun shartnomalar berish vaqtincha to‘xtatilgani ma'lum bo‘lgandi. Bu UzAuto Motors dilerlari shartnomalar va avtomobillarni yetkazib berish bo‘yicha yangi boshqaruv tizimiga o‘tayotgani bilan izohlangandi.
