«12 fevral juma kunidan boshlab [mintaqadagi] niqob taqish rejimi tavsiyaviy xarakterga ega bo‘ladi», - deya uning so‘zlarini keltirmoqda TASS. Shu bilan birga, respublika rahbari jamoat joylari, do‘konlar, teatrlar va transportda tibbiy niqoblardan foydalanishga chaqirdi. 

RBK’ning ta'kidlashicha, Udmurtiya Rossiyada niqob taqish talabi bekor qilingan birinchi mintaqa bo‘ldi.

2020 yil oktyabr oyida «Rospotrebnadzor» Rossiya hududlari rahbarlariga jamoat joylarida niqob taqib yurish rejimi ustidan nazoratni kuchaytirishni tavsiya qildi. Oradan bir oy o‘tmasdan, 18 noyabr kuni, mamlakat bosh vaziri o‘rinbosari Tatyana Golikova «mamlakatning barcha mintaqalarida niqob rejimi joriy qilingan», deb xabar berdi.

Dekabr oyining o‘rtalaridan boshlab Rossiyada yangi aniqlangan koronavirus infeksiyasi holatlari soni asta-sekin kamayib bormoqda. 9 fevral kuni soat 11:00ga qadar Rossiyada to‘rt millionga yaqin kasallik holati qayd etildi. O‘tgan vaqt davomida, federal tezkor shtab ma'lumotlariga ko‘ra, koronavirusga chalingan 77 598 kishi vafot etdi.