Toshkent shahar IIBB boshlig‘iga general-mayor unvoni berildi
Toshkent shahar Ichki ishlar bosh boshqarmasi boshlig‘iga general-mayor unvoni berildi. Bu haqda IIBB xabarida aytilgan.

Qayd etilishicha, O‘zbekiston prezidentining 2021 yil 14 yanvar kunidagi 6137-sonli farmoni bilan Toshkent shahar Ichki ishlar bosh boshqarmasi boshlig‘i Aziz Toshpo‘latovga "general-mayor" maxsus unvoni berildi.
Gazeta.uz’ning yozishicha, general-mayor unvoni Toshkent IIBB boshlig‘i Aziz Toshpo‘latovga avans bilan topshirilgan. Ushbu unvon O‘zbekiston tarixida faqat ikki marotaba yosh xodimga berilganligi va Aziz Toshpo‘latov eng yosh general-mayor bo‘lganligi ta'kidlab o‘tildi.
Shuningdek, ichki ishlar vazirining buyrug‘i bilan Toshkent shahar Ichki ishlar bosh boshqarmasining quyidagi xodimlariga "polkovnik" maxsus unvoni berildi:
- Otamurod Ahmedov, Mirzo Ulug‘bek tumani Ichki ishlar organlari faoliyatini muvofiqlashtirish boshqarmasi boshlig‘i;
- Aziz Sadirov, Yo‘l harakati xavfsizligi boshqarmasi boshlig‘ining o‘rinbosari.
Avvalroq, Mudofaa vaziri Bahodir Qurbonovga general-leytenant harbiy unvoni berilgani xabar qilingandi.
Mavzuga oid

12:33 / 03.03.2025
Aziz Toshpo‘latov IIVning yangi rahbari bo‘ldi

21:23 / 25.02.2025
Favqulodda vaziyatlar vaziriga general-mayor harbiy unvoni berildi

15:50 / 05.12.2021
Poytaxt IIBB boshlig‘i va shahar prokurori «jinoyatchilik o‘chog‘i»ga tashrif buyurdi

21:22 / 23.11.2021