Internetda tarqalgan videoda ko‘rish mumkinki, avtomashina do‘kon oynalarini sindirib, ichkarigacha kirib borgan, supermarket binosiga jiddiy zarar yetgan.

IIV Yo‘l harakati xavfsizligi bosh boshqarmasi ma'lumotiga ko‘ra, bolaning otasi 1983 yilda tug‘ilgan J.Sh. soat 13:50 larda Makro yaqinida to‘xtab, o‘t oldirgich kalit va farzandini qarovsiz qoldirib, supermarketga kirgan.

Mashinada o‘tirgan bola o‘t oldirgich kalitni burab yuborgan va avtomobil harakatlanib ketgan. Natijada avtomobil supermarket oynasini sindirib, ichkariga kirib to‘xtagan. Hodisa oqibatida jarohat olganlar yo‘qligi aytilgan.

Mazkur hodisa yuzasidan Toshkent shahar IIBB YHXB tomonidan surishtiruv ishlari olib borilmoqda.