«O‘zavtosanoat» aksionerlik jamiyati Buyuk Britaniyaning «Bentley» kompaniyasi bilan hamkorlikda 2021 yildan boshlab yangi elektromobillarni ishlab chiqarish bo‘yicha muzokara olib bormoqda. Bu haqda Tez News ushbu muzokaralardan xabardor manbaga asoslanib xabar berdi.

Ma'lum bo‘lishicha, dastlab O‘zbekiston bozori uchun elektr tarmoq orqali quvvatlantiriladigan ikki xil gibrid avtomobillar ishlab chiqarish va sotuv boshlash rejalashtirilmoqda.

2025 yilga borib ushbu brend ostida olti xil gibrid elektromobillar ishlab chiqarilishi mumkin.

Ma'lumot uchun, Rossiyada 8 oktabr kuni Bentley kompaniyasi yangilangan Bentayga avtomobili taqdimotini o‘tkazib, keng ommaga elektromobillar ishlab chiqarishni yo‘lga qo‘yish rejasi haqida xabar qilgandi.

• Qayd etish kerakki, hozircha bu ma'lumotni boshqa manbalardan tasdiqlashning imkoni bo‘lmadi, «O‘zavtosanoat» AJ ham bu xabar bo‘yicha rasman izoh bermagan. Shuningdek, xabarda bunday avtomobillar ichki bozor uchun yoki eksportga mo‘ljallanganiga aniqlik kiritilmagan.