Surxondaryo viloyati bojxona boshqarmasi Kontrabandaga qarshi kurashish va bojxona auditi bo‘limi xodimlari viloyat DXX, IIB va Milliy gvardiya xodimlari bilan hamkorlikda Termiz tumanida nodir metallar, zaharli moddalar, davlat standartiga muvofiq 8-toifadagi xavfli yuklarga kiruvchi simob va simob birikmalarining noqonuniy aylanmasining oldini olishga qaratilgan tezkor tadbir o‘tkazdilar.

Tadbir davomida fuqaro Sh.B. 307 gramm “simob” zaharli moddasini shartli xaridorga 30 ming AQSh dollariga sotmoqchi bo‘lgan vaqtida ashyoviy dalillar bilan qo‘lga olindi.

Hozirda yuqoridagi holat yuzasidan bojxona organlari tomonidan surishtiruv harakatlari olib borilmoqda.