Oq uy Tramp prezidentlik uchun kurashni davom ettirishini ma'lum qildi
Tramp jamoasi ayrim shtatlarda ovozlarni qayta hisoblashni talab qilmoqchi, ayrim shtatlarda esa sudga murojaat qilinishi mumkin.

Foto: Chip Somodevilla/Getty Images
AQSh prezidenti Donald Tramp kurashni davom ettirish niyatida va saylovchilarning ovozlari to‘g‘ri hisoblanishiga harakat qilmoqda. Bu haqda Oq uyning milliy iqtisodiy kengashi rahbari Lourens Kadlou CNBC telekompaniyasiga bergan intervyusida aytdi.
“Bugun ertalab prezident bilan qisqacha gaplashdim va u kurashni davom ettirish hamda saylov byulletenlari kerakli tarzda hisoblab chiqilishiga erishish niyatida”, - dedi u.
Hokimiyatning tinch yo‘l bilan topshirilishi to‘g‘risidagi savolga javob berar ekan, Lourens Kadlou "hokimiyat tinch yo‘l bilan" topshirilishini ta'kidladi.
"Bu – dunyodagi buyuk mamlakat, eng buyuk demokratiya. Biz qoida bo‘yicha harakat qilamiz va prezident ham bunga amal qiladi", dedi u.
Tramp jamoasi ayrim shtatlarda ovozlarni qayta hisoblashni talab qilmoqchi, ayrim shtatlarda esa sudga murojaat qilinishi mumkin. Amaldagi prezident Viskonsindagi ovozlar qayta hisoblanishiga erishish niyatini bildirgan.
Mavzuga oid

23:00 / 13.03.2025
Putin AQSh va Ukrainaning 30 kunlik otashkesim taklifiga rozi bo‘ldi

22:06 / 13.03.2025
AQSh harbiylari Xitoyga qurollar haqidagi maxfiy ma’lumotlarni sotgani ma’lum bo‘ldi

21:18 / 13.03.2025
Putin: Rossiya Ukrainada o‘t ochishni to‘xtatishga ba’zi shartlarda tayyor

19:11 / 13.03.2025