2020 йилнинг 15 октябрь куни соат 16:00да, 26 ёшли Ш.И. ўз бошқарувидаги Nexia русумли автомашинада Жиззах вилояти Ғаллаорол тумани Булоқбоши қ.ф.й., Чувуллоқ қишлоғи ҳудудидан ўтган Даштобод-Зомин-Бахмал 4Р-40 автомобиль йўлининг 173-км.да йўл-транспорт ҳодисасига учраган.

ИИВ ҳузуридаги Тергов департаменти хабарига кўра, у Бахмал-Ғаллаорол йўналиши бўйича ҳаракатланиб келаётган вақтида, ўзига нисбатан қарама-қарши йўналишда ҳаракатланаётган 28 ёшли Э.Р. бошқарувидаги Nexia русумли автомашина йўлига чиқиб кетиши оқибатида ЙТҲ содир қилган.

Натижада, ҳар иккала автомашина ҳайдовчиси йўл-транспорт ҳодисасида олган тан жароҳати сабаб ҳодиса содир бўлган жойда вафот этган.

Шунингдек, марҳум Э.Р. бошқарувидаги Nexia автомашина йўловчиси Б.Ш. ҳамда Ш.И. бошқарувидаги Nexia автомашина йўловчиси А.У. турли кўринишдаги тан жароҳатлари олиб, Ғаллаорол тумани тиббиёт бирлашмасининг жонлантириш бўлимига ётқизилган.

Мазкур ҳолат юзасидан Ғаллаорол тумани ИИБ ҳузуридаги тергов бўлинмаси томонидан Жиноят кодексининг 266-моддаси 3-қисми “а” банди (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.

Ҳозирда тергов ҳаракатлари олиб борилмоқда.