Bill Geyts koronavirus bilan bog‘liq vaziyat yanada yomonlashishi to‘g‘risida ogohlantirdi

Geytsning qayd etishicha, vaksina paydo bo‘lguniga qadar virusga qarshi kurashishning birgina yo‘li bor, bu - niqob taqish.

Foto: Jack Taylor / Getty Images

Microsoft asoschisi Bill Geyts koronavirus bilan bog‘liq vaziyat avvalgidan yanada yomonlashishi to‘g‘risida ogohlantirdi. Bu haqda Fox Business yozmoqda.

«Kuz yozga nisbatan ancha yomon bo‘ladi», — degan u.

Geytsning so‘zlariga ko‘ra, hozirda kasallanish holatlari o‘smoqda, sovuq tushib odamlar ko‘p vaqtini yopiq joylarda o‘tkaza boshlashi kasallanganlar soni yanada o‘sishiga olib keladi.

Uning qayd etishicha, bundan tashqari, vaksina paydo bo‘lguniga qadar virusga qarshi kurashishning birgina yo‘li bor, bu odamlarning o‘zini tutishlari.

«Afsuski, odamlar charchadi, ko‘pchilik bu borada salbiy fikrda. AQShda niqob taqish rejimiga amal qilish ancha yomon», — dedi u.

Geyts avvalroq koronavirus pandemiyasi 2022 yilda tugashi mumkinligini taxmin qilgandi.

#Bill Geyts #koronavirus