Nokia arzon televizorlar ishlab chiqarmoqda, deb yozadi Nokiapoweruser nashri. Nashr jurnalistlari kompaniya saytidagi yangi turkumdagi televizorlar tizerlari va manbalariga tayanishmoqda.

Ularning ma'lumot berishicha, kompaniya Hindistonda ekrani diagonali 32 va 50 dyuym bo‘lgan Nokia Smart TV televizorlari taqdimotini o‘tkazadi. Full HD ekranga ega birinchi modelning narxi 21 999 rupiy (300 dollar)ga teng bo‘ladi.

 Ikkinchi model diagonali 50 dyuym bo‘lib, DTS TruSurround va Dolby Audio texnologiyalarida ishlaydi. U Android operatsion tizimi va Google Assistant yordamchisiga ega bo‘ladi. Televizorning narxi 36 999 rupiy (504 dollar) bo‘ladi.

Har ikki televizor Onkyo audiotizimi bilan jihozlangan. 

 Jurnalistlarning qayd etishicha, kompaniya 2019 yil dekabrda o‘z televizorlarini muvaffaqiyatli taqdim etganidan so‘ng ushbu yo‘nalishga qiziqib qolgan. O‘shanda Nokia ekrani diagonali 55 dyuymli 4K televizorini bozorga chiqargandi.