Yangi texnologiya gadjetlar batareyasini masofadan, misol uchun bir xona chegarasida to‘ldirish imkonini beradi. Rozetkaga ulangan quvvatlash moduli o‘z ta'sir doirasidagi qurilmalarga elektron zaryad jo‘natadi. Energiya lazer yordamida uzatiladi. Bunda foydalanuvchilar gadjetlaridagi akkumulyatorning qanchalik to‘lgani haqida qayg‘urmasalar ham bo‘ladi, chunki quvvatlash jarayoni doimiy ravishda yuz beradi. 

Patentda ta'kidlanishicha, quvvatlash zaryadining uncha katta bo‘lmagan uzatuvchi va qabul qiluvchi quvvati uni energiyani o‘rta va katta masofalarga uzatishda qo‘llash imkonini beradi. Kompaniyada ta'kidlanishicha, lazer yordamida kichik o‘lchamdagi maishiy asboblar bilan bir qatorda yirik o‘lchamdagi dronlarni ham quvvatlash mumkin. 

Ushbu texnologiyaning yagona kamchiligi lazerning odamlar va hayvonlar ko‘ziga shikast yetkazishi mumkinligi hisoblanadi. Kompaniya xodimlari bu muammoni hal qilishga va'da berishgan.

Ushbu texnologiyaga asoslangan ilk quvvatlash qurilmalari qachon paydo bo‘lishi ma'lum qilinmagan. Biroq jurnalistlar texnologiya uchun patent olishga ariza 2019 yil sentyabrda topshirilgani va bir yil o‘tibgina patent olinganiga e'tibor qaratishgan.