Aziz vatandoshlar, Artel kompaniyasi barchangizni eng ulug‘ va aziz ayyom – Mustaqillik kuni bilan chin ko‘ngildan tabriklaydi. Sizga tinchlik-osoyishtalik, uyingizga fayzu baraka tilaydi. Barcha o‘ylagan niyatlaringiz amalga oshishini, ishlaringiz esa doimo o‘ngidan kelishini tilab qoladi. Xonadoningizdan baxt-saodat, yuzingizdan tabassum hech qachon arimasin.

Azizlar, yurtimiz mustaqillikka erishganiga 29 yil bo‘ldi. Bugungi kunda O‘zbekiston jadal rivojlanayotgan, dunyo arenasida o‘z munosib o‘rnini egallagan, ulkan potensialga ega davlatdir. Yurtimiz gullab-yashnamoqda, fuqarolik jamiyatimiz oliy darajada rivojlangan, yosh avlodimiz esa barkamol, jismonan sog‘lom va ma'naviy yetuk desa hech mubolag‘a bo‘lmaydi.

Tarixga nazar solar ekanmiz, vatandoshlarimiz o‘tmishdan barcha qiyinchiliklarga sabr-toqat bilan dosh berganligini yaqqol ko‘rsa bo‘ladi. Bu yil ham istisno emas. Joriy yilning boshidan hamyurtlarimiz jasorat, sabr, insonparvarlik va ezgulik kabi eng yuqori insoniylik fazilatlarini namoyish etib kelmoqdalar.  

Bu buyuk kunda Artel kompaniyasi barchangizga uzoq umr, sihat-salomatlik, baxt-saodat tilaydi. Aziz hamyurtlar, barchamizni birlashtiruvchi uyushqoqlik tuyg‘usi bizni hech qachon tark etmasin. Birgalikda biz barcha qiyinchiliklarni yengib o‘tamiz. Yurtimiz doimo tinch, xalqimiz esa omon bo‘lsin. Mustaqillik kuni bayrami muborak!

Reklama huquqi asosida