Toshkent shahri Yunusobod tumanidagi Ahmad Donish ko‘chasining Yangishahar ko‘chasidan THAY ko‘chasigacha bo‘lgan qismi 1 sentabr kuniga qadar yopiladi.

Poytaxt hokimligi tomonidan e'lon qilingan ma'lumotda aytilishicha, bunga ta'mirlash va obodonlashtirish ishlari amalga oshirilishi sababdir.

Qayd etilishicha, Mega Planet savdo ko‘ngilochar markazi yaqinidagi chorraha ham bu muddat ichida yopiq bo‘ladi.

Yuzaga kelishi mumkin bo‘lgan tirbandliklarning oldini olish maqsadida haydovchilarga aylanma yo‘llardan foydalanish tavsiya etilgan.