Maxsus militsiya kuchlari Minsk markazidagi ko‘chalarni o‘rab olmoqda

Jahon 21:33 / 10.08.2020 10600

Belarus huquqni muhofaza qilish organlari xodimlari mamlakat poytaxtidagi ko‘chalarni o‘rab oldi.

Atrof metall to‘siqlar bilan o‘ralgan, kuch ishlatish tuzilmalarining maxsus texnikalari yetib keldi, shaharda mobil aloqa faoliyati to‘xtamoqda, deb xabar berdi TASS muxbiri.

Xabar qilinishicha, vaziyat hozircha tinch, ko‘plab odamlar to‘planishi kuzatilmayapti.

9 avgust kuni mamlakatda prezidentlik saylovi bo‘lib o‘tdi. Dastlabki ma'lumotlarga ko‘ra, prezident Aleksandr Lukashenko 80,08 foiz ovoz to‘plagan. Uning asosiy raqibi hisoblangan Svetlana Tixanovskaya 10,09 foiz ovozga ega bo‘ldi.

Ekzitpol natijalari e'lon qilingach, Minsk markazi va Belarusning boshqa shaharlarida ommaviy norozilik namoyishlari boshlandi. IIVning ma'lumot berishicha, 3 mingga yaqin kishi qo‘lga olingan, o‘nlab tartib posbonlari va namoyishchilar jarohatlangan.

Ko‘proq yangiliklar: