Хориждаги ўзбекистонликларни олиб келиш бўйича чартер рейсларнинг парвоз йўналишига қисман ўзгартириш киритилди

Ўзбекистон 11:20 / 08.08.2020 28543

Хориждаги Ўзбекистон фуқароларини ватанга олиб келиш учун 2 августдан 16 август кунлари давомида амалга оширилиши белгиланган чартер рейсларининг парвоз йўналишига қисман ўзгартириш киритилди.

Ўзбекистон Республикаси Транспорт вазирлиги ахборот хизмати хабарига кўра:

  • 7 август куни Тошкент – Ростов-Дон – Наманган;
  • 8 август Тошкент – Санкт-Петербург – Наманган; 
  • 9 августга белгиланган Тошкент – Москва – Наманган авиақатновлари Тошкент шаҳрига амалга оширилади. 

Шунингдек, Республика махсус комиссиясининг қарори билан Россия Федерациясининг Оренбург ва Самара вилоятларидаги Ўзбекистон фуқароларини Ватанга қайтариш учун 2 та поезд қатнови ташкил этилди.

Мазкур поездларнинг биринчиси 9 август куни Наманган шаҳрига, иккинчиси эса 9 август куни Самарқанд шаҳрига кириб боради. Поездларда олиб келинган барча фуқаролар ўрнатилган тартибда карантинга жойлаштирилади. 

Россия Федерациясининг Ростов-Дон вилоятидаги фуқароларни олиб келиш мақсадида учинчи поезд қатнови ҳам ташкил этилди. Ушбу поезд 13 август куни Тошкент шаҳрига кириб келади. 

Кўпроқ янгиликлар