“Sog‘lom avlod uchun” xalqaro xayriya fondi ezgu ishlarni davom ettirmoqda

Jamiyat 16:02 / 05.08.2020 3223

“Sog‘lom avlod uchun” xalqaro xayriya fondi mamlakatdagi sinovli kunlarda aholining muhtoj qatlamlarini qo‘llab-quvvatlash maqsadida ibratli ishlar olib bormoqda. Shulardan biri sifatida Yunusobod tumanidagi kam ta'minlangan, ijtimoiy himoyaga muhtoj oilalarga qilingan xayriya yordamini ko‘rsatish mumkin. 

4 avgust kuni “Sog‘lom avlod uchun” fondi Tibbiy-ijtimoiy markaz mutaxassislari “Mahalla” jamoat fondi bilan hamkorlikda Yunusobod tumanining Bodomzor va Bog‘ibo‘ston mahallalarida ijtimoiy himoyaga muhtoj kam ta'minlangan ko‘p bolali oilalar va nogironligi bor shaxslarga 8 turdagi dori-darmonlardan iborat xayriya yordamlari ko‘rsatildi. 

Jami xayriya yordami ko‘rsatilgan aholi soni 118 nafar bo‘lib, shulardan 83 nafarini ayollar (oralarida keksa va tug‘ish yoshidagi ayollar ham bor), 9 nafarini bolalar, 26 nafarini erkaklar tashkil etdi. Bunlardan tashqari yana 13 nafar nogironligi bor kishilarga ham xayriya yordami ko‘rsatildi. 

Fond bu yo‘nalishdagi ishlarni kelgusida ham davom ettirishni rejalashtirgan.

Ko‘proq yangiliklar: