Qamchiq dovonida yangi tonnel quriladi

O‘zbekiston 19:59 / 05.08.2020 25297

5 avgust kuni prezident energetika, transport, kommunal xo‘jalik va tibbiyot sohalarida davlat-xususiy sheriklikni kengaytirish yuzasidan taqdimot bilan tanishdi.

«Transport va logistika tarmog‘i haqida gap ketar ekan, ushbu sohada ham amalga oshirilayotgan ishlar umuman qoniqarli emasligi qayd etildi.

Sohani rivojlantirishning keyingi davrida 27 milliard dollar talab etilishi ma'lum qilindi.

Misol uchun, bugungi kunda Qamchiq dovoni orqali Toshkentdan Andijonga borish uchun tirbandliklar sababli 5-6 soat vaqt sarflanadi, 22 ming avtomobil o‘tadi. Bu ko‘rsatkich kelgusi 5 yilda 40 mingga yetadi. «Toshkent-Andijon» pullik avtomobil yo‘li ishga tushgan taqdirda masofani bosib o‘tish 3 soatgacha qisqaradi, transport harakati esa 70 foizgacha oshadi.

Shu bois davlatimiz rahbari Qamchiq dovonida yangi tonnel qurish bo‘yicha tender-loyiha hujjatlarini ishlab chiqish va tender e'lon qilish muhimligini ko‘rsatib o‘tdi», deyiladi prezident matbuot xizmati xabarida.

Ko‘proq yangiliklar: