Xitoy sharqidagi kuchli toshqinlar Min sulolasi vaqtida (1368-1644 yillar) qurilgan ko‘prikning vayron bo‘lishiga olib keldi.
Xuanshan shahridagi Chjenxay ko‘prigi tarixiy ahamiyatdagi obekt sifatida davlat muhofazasida bo‘lgan. Biroq u kuchli yomg‘irdan keyin Sinan daryosi tomonidan vayron qilingan.
Mahalliy aholi evakuatsiya qilingani va ko‘prik to‘sib qo‘yilgani sababli hech kim jabrlanmagan.
Ta'kidlanishicha, ko‘prik 1536 yilda qurib bitkazilgan va Tsin sulolasi vaqtida (1644-1911 yillar) bir necha bor rekonstruksiya qilingan. Ko‘prikning uzunligi 133 metrni, eni esa 15 metrni tashkil qilgan.