Yozda yo‘llarda uy sharoitida tayyorlangan ayron, go‘ja yoki salqin ichimliklar sotish mumkin emas - Otabekov

Jamiyat 14:50 / 03.06.2020 8661

«Ruxsat etilmagan katta yo‘l yoqalari, noturg‘un joylarda barcha turdagi mahsulotlarni, jumladan uy sharoitida tayyorlangan salqin ichimliklar, bochkalardagi morslar, freyzerda quyib beriladigan muzqaymoqlar sotilishi qat'iyan man etiladi.

Noqonuniy ko‘cha savdosi nazorati Vazirlar Mahkamasining 378 va 251-sonli qarorlari bilan ichki ishlar va soliq organlariga yuklatilgan», degan u.

Brifingda karantinga olingan uy zina tutkichlari va lift tugmalari qancha vaqtda dezinfeksiya qilinishi haqidagi savolga ham javob berildi.

«Ko‘p qavatli uylarda pod'yezdlar, zinapoyalar, tamburlar, lift kabinalari, holllar, chiqindi tashlash joylarida joriy va yakuniy dezinfeksiya ishlari o‘tkaziladi. Ko‘p qavatli uylarda istiqomat qiluvchi aholi salomatligiga dezinfeksiya vositalarining salbiy ta'sirini kamaytirish maqsadida oldindan ogohlantirish beriladi. Joriy dezinfeksiya ishlari kuniga 2 marta, ya'ni ertalab va kechqurun o‘tkaziladi», dedi Nurmat Otabekov.

Ko‘proq yangiliklar: