Bu haqda tashkilot rasmiy saytida ma'lum qilindi.

Virtual musobaqa uchrashuvlari jadvali Shveytsariyada 8 maydan 24 maygacha o‘tkazilishi kerak bo‘lgan jahon birinchiligi kalendari bilan to‘liq mos tushadi. 

Har bir uchrashuv g‘olibi federatsiyaning ijtimoiy tarmoqlardagi rasmiy sahifalarida ishqibozlarning ovoz berishlari asosida aniqlanadi. O‘yin g‘olibini ikki soat davomida tanlash mumkin bo‘ladi.

Xokkey bo‘yicha jahon chempionati o‘tkazilishi 21 mart kuni koronavirus sababli bekor qilingandi.  

Xokkey bo‘yicha jahon chempionati 1920 yildan buyon o‘tkazib kelinadi, Finlyandiya terma jamoasi amaldagi jahon chempioni hisoblanadi.