Fan olimpiadasining navbatdagi bosqichlari o‘tkaziladimi? XTV izoh berdi

3 may kuni AOKAda o‘tkazilgan brifingda Xalq ta'limi vaziri Sherzod Shermatov ushbu savol yuzasidan javob berdi.

“Respublika fan olimpiadasining 3-bosqich (viloyat) va 4-bosqichini (respublika) o‘tkazish bo‘yicha barcha tayyorgarliklar ko‘rilgan. Ularni o‘tkazish masalasi mamlakatdagi umumiy holatga bog‘liq. Vaziyat yaxshilanib borgani sari ommaviy tadbirlar o‘tkazishga ruxsat berilsa, olimpiadaning mazkur bosqichi o‘tkazilishi mumkin bo‘ladi. Olimpiada o‘tkazilishi rejalashtirilgan taqdirda o‘tkazish vaqti bo‘yicha yana qo‘shimcha ma'lumot beriladi.

Vaziyatdan kelib chiqqan holda, olimpiadaning viloyat va respublika bosqichlari bekor qilinsa, tuman bosqichi g‘oliblariga imtiyozlar berilmaydi”, deya Sherzod Shermatovning so‘zlarini keltirmoqda Kun.uz muxbiri.