Chernobilda yong‘in sabab radiatsiya miqdori me'yordagidan 16,5 baravar ko‘payib ketdi

Jahon 19:02 / 06.04.2020 11117

«Hisoblagichlar hududda radiatsiya miqdori 2,3 ekanini ko‘rsatmoqda. Me'yoriy miqdor esa 0,14 bo‘lishi kerak», deydi Firsov radiatsiya ko‘rsatkichi yong‘in sabab bunchalik ko‘tarilib ketganini izohlar ekan. Uning aytishicha, sobiq AES joylashgan va Chernobil hududi deb ataladigan yerlarda 20 gektar o‘rmon yongan. Umumiy hisobda esa 100 gektar o‘rmon olov ichida qolgan.

Dastlabki xulosalarga ko‘ra, kimdir yerdagi quruq o‘tlarni yoqib yuborgan va olov o‘rmonga ham o‘tgan. 3 kundan buyon davom etayotgan yong‘inlarda 140 dan ortiq o‘t o‘chiruvchi, o‘nlab mashina, samolyot, vertolyotlar jalb qilingan. Yong‘in natijasida ko‘tarilgan tutun Ukraina poytaxti Kiyevgacha borgan va odamlar havoning badbo‘yligidan shikoyat qilgan.

Ma'lumot uchun, Chernobildagi atom elektrostansiyasida 1986 yil 26 aprel kuni avariya sodir bo‘lib energobloglardan biri portlagan. Oqibatda Ukraina, Rossiya va Belarusning Chernobilga yaqin hududlarida radiatsiya miqdori ortib ketgan.

Yong‘in sabab 150 mingdan ko‘proq odam evakuatsiya qilingan, yong‘inni bartaraf etish uchun 600 ming odam safarbar etilgan. Rasmiy ma'lumotlarga ko‘ra, 1986 yilgi avariya sabab 50 kishi halok bo‘lgan, ammo o‘sha vaqtda tarqalgan radiatsiya minglab odamlarning bevaqt o‘limiga sabab bo‘lgani aytiladi.

Ko‘proq yangiliklar: