Чернобилда ёнғин сабаб радиация миқдори меъёрдагидан 16,5 баравар кўпайиб кетди

Жаҳон 19:02 / 06.04.2020 10135

«Ҳисоблагичлар ҳудудда радиация миқдори 2,3 эканини кўрсатмоқда. Меъёрий миқдор эса 0,14 бўлиши керак», дейди Фирсов радиация кўрсаткичи ёнғин сабаб бунчалик кўтарилиб кетганини изоҳлар экан. Унинг айтишича, собиқ АЭС жойлашган ва Чернобиль ҳудуди деб аталадиган ерларда 20 гектар ўрмон ёнган. Умумий ҳисобда эса 100 гектар ўрмон олов ичида қолган.

Дастлабки хулосаларга кўра, кимдир ердаги қуруқ ўтларни ёқиб юборган ва олов ўрмонга ҳам ўтган. 3 кундан буён давом этаётган ёнғинларда 140 дан ортиқ ўт ўчирувчи, ўнлаб машина, самолёт, вертолётлар жалб қилинган. Ёнғин натижасида кўтарилган тутун Украина пойтахти Киевгача борган ва одамлар ҳавонинг бадбўйлигидан шикоят қилган.

Маълумот учун, Чернобилдаги атом электростанциясида 1986 йил 26 апрель куни авария содир бўлиб энергоблоглардан бири портлаган. Оқибатда Украина, Россия ва Беларуснинг Чернобилга яқин ҳудудларида радиация миқдори ортиб кетган.

Ёнғин сабаб 150 мингдан кўпроқ одам эвакуация қилинган, ёнғинни бартараф этиш учун 600 минг одам сафарбар этилган. Расмий маълумотларга кўра, 1986 йилги авария сабаб 50 киши ҳалок бўлган, аммо ўша вақтда тарқалган радиация минглаб одамларнинг бевақт ўлимига сабаб бўлгани айтилади.

Кўпроқ янгиликлар