Saudiya Arabistonining Saudi Aramco neft-gaz kompaniyasi aprel oyida yetkazib beriladigan propan narxini 46,5 foizga – tonnasini 430 dollardan 230 dollargacha tushiradi.
Shuningdek, aprelda butan narxi ham 50 foizga – tonnasi 480 dollardan 240 dollargacha arzonlashadi.
Avvalroq qirollik energetika vazirligi mamlakat may oyida neft eksportini sutkasiga 600 ming barrelga oshirishni rejalashtirayotganini ma'lum qilgandi.
Mart oyi boshida OPeK+ kelishuvi bekor bo‘lgach, Ar-Riyod neft qazib olishni ko‘paytirishini ma'lum qilgan va xaridorlarga arzon narxlarda taklif etgandi. Buning ortidan jahon bozorida neft narxi keskin tushib ketdi.
