Хитойда гигант пандалар боғи омма учун очилди

Жаҳон 11:56 / 26.03.2020 9683

Хитойнинг Ченду  шаҳрида карантиндан сўнг, пандалар ҳайвонот боғи фаолияти қайта тикланди, деб хабар бермоқда China Daily нашри. 

24 январь куни омма учун ёпилган гигант пандалар турмушини тадқиқ этиш ва уларни сақлаш мақсадида фаолият кўрсатувчи Чендудаги ҳайвонот боғи қайта иш бошлади. 

Айни пайтда Хитойда фавқулодда ҳолат тўрт босқичда амал қилмоқда. Ченду шаҳри жойлашган Сичуань провинцияси хавфлилик даражасини иккинчидан учинчига туширгани сабабли, шаҳардаги кўплаб жамоат масканлари фаолияти қайта тикланмоқда. Аммо мамлакат ҳануз биринчи даражадаги хавфли ҳудудлар мавжуд. 

Сичуандаги вазият бироз юмшаганига қарамай, хавфсизлик чоралари сақланиб қолмоқда: масалан, ҳайвонот боғига ташриф буюрувчилар сони бир кунда 5 минг кишидан ортмаслиги керак. Шунингдек, жамоат масканига киришда ташқи белгиларга кўра носоғлом деб топилган шахсларга ичкарига киритилмайди.

Кўпроқ янгиликлар