Дала шароитидаги ҳарбий-тиббий госпитал ташкил қилинди

Ўзбекистон 18:22 / 26.03.2020 30846

Маълум қилинишича, мазкур госпитал коронавирус инфекциясини юқтириб олган ёхуд шундан гумон қилинган шахсларни қабул қилишга мўлжалланган. Шунингдек, карантинга олинган шахсларни жойлаштириш учун жойлар тайёрланмоқда. Ҳарбий госпитал бир вақтнинг ўзида 1,5 минг беморни қабул қилиш қувватига эга. Айни пайтда дала шароитидаги госпиталда дам олиш, овқатланиш ва яшаш учун шароитлар ҳозирланмоқда. 

Инфекция юқтирган беморларни тиббий пневматик боксга олиш, уларни даволаш учун тиббий анжомлар ва ускуналар шай қилинган. Беморларга хизмат кўрсатувчи ходимлар улар билан контакт қилмайди. 

Соғлиқни сақлаш вазирлиги тез фурсатларда Ўзбекистонда коронавирус билан хасталанганларни даволаш ва карантин учун ўнга яқин шифохоналар қурилиши ҳақида маълум қилганди. Шулардан учтаси Тошкент вилоятида ташкил этилади.

Кўпроқ янгиликлар