Апрель ойи учун харид қилинган ойлик йўл чипталари “Тошшаҳартрансхизмат” АЖ нинг “Ойлик йўл чипталари ва жетонлар сотиш бўлими” томонидан қайтариб олиниб, пул маблағлари фуқароларга тўлиқ миқдорда қайтарилади. Бу ҳақда Транспорт вазирлиги ахборот хизмати хабар бермоқда.

Ойлик йўл чипталарини харид қилишга улгурган йўловчилар Юнусобод тумани, Амир Темур шоҳ кўчаси, 6-уй манзилида жойлашган “Тошшаҳартрансхизмат” жамиятига мурожаат этиши ёки (71) 233-54-23, (71) 244-17-52 рақамларига қўнғироқ қилиши мумкин.

Маълумот учун, Тошкент шаҳар ҳокимининг 2020-йил 21-мартдаги “Тошкент шаҳрида жамоат транспорти ҳаракатини вақтинча тўхтатиш тўғрисида”ги 290-сон қарорига мувофиқ, барча жамоат траспортлари – автобус, метро ва йўналишли таксилар фаолияти вақтинча тўхтатилди.