Баҳрайндаги «Формула-1» босқичи коронавирус боис томошабинларсиз ўтказилади

Спорт 18:45 / 08.03.2020 1876

Баҳрайн 2020 гран-приси коронавирус тарқалаётганлиги сабабли томошабинларсиз ўтказилади. Бу ҳақда мусобақа расмий сайтида хабар қилинди. Тарихда илк бор «Формула-1» босқичи томошабинларсиз ўтказилади.

«Саҳир» автодромидаги пойга 2020 йилдаги «Формула-1» чемпионатининг иккинчи босқичи бўлади. Босқич 20-22 март кунлари бўлиб ўтади.

Аввалроқ коронавирус сабабли апрелда ўтказилиши керак бўлган Хитой гран-приси бекор қилинганди. Ҳозирда пойга ўтказиладиган янги муддат аниқ эмас.

8 март ҳолатига кўра, дунё бўйича коронавирус юқтирганлар сони 105 минг кишидан ошган, 3,5 мингдан ортиқ киши вафот этган. Баҳрайнда коронавирусга чалинганлар сони 49 кишини ташкил этмоқда.

Кўпроқ янгиликлар