Тошкентнинг «Локомотив» клуби яримҳимоячиси Остон Урунов фаолиятини Россияда давом эттиради. Бу ҳақда Betting Insider хабар бермоқда.

Ўзбекистон миллий жамоасининг 19 ёшли футболчиси Россия Премьер-лигаси иштирокчиси «Уфа» клуби сафига ўтмоқда. Остон Урунов жамоанинг Кипрдаги ўқув-машғулот йиғинида иштирок этиб, бош мураббий Вадим Евсеевда яхши таассурот қолдирган.

Betting Insider’нинг клубга яқин манбасига кўра, Остон Уруновга 5 йиллик шартнома таклиф қилинган бўлиб, футболчининг «Локомотив»дан «Уфа»га ўтиш трансфер суммаси 150 минг АҚШ долларини ташкил этади. 

Маълумот учун, Остон Урунов 2019 йилнинг июль ойида «Навбаҳор»дан «Локомотив» сафига ўтиб, ярим мавсум давомида 13 ўйинда битта гол уришга эришганди.