Shotlandiya qayta tiklanadigan energiya sohasida dunyo yetakchilardan biri hisoblanadi. Mahalliy ma'muriyatning maqsadi - 2020 yilga kelib qazib olinuvchi yoqilg‘i yoqishni to‘xtatish hamda bu maqsadga erishiladi. ZME Science ma'lumotlariga ko‘ra, bu yil mintaqa o‘zining barcha elektr energiyasini toza manbalardan oladi.

Shotlandiyada qayta tiklanadigan energiya, avvalo, qulay jug‘rofiy joylashuv va to‘g‘ri siyosat tufayli juda tez rivojlanmoqda.

Scottish Development International ma'lumotlariga ko‘ra, 2015 yildayoq qayta tiklanadigan energiya manbalari Shotlandiyaning elektr energiyasidagi ehtiyojlarini 59 foizga qoplagan. 2017 yilda ularning ulushi 68,1 foizga, 2018 yilga kelib esa 74,6 foizgacha o‘sdi. 2019 yil yanvar-iyul oylarida Shotlandiya 9 831 320 MVt/soat shamol energiyasini ishlab chiqardi. Bu mintaqani 182 foizga elektr energiyasi bilan ta'minlash uchun yetarli. Ortiqcha energiya Angliya shimoliga yetkazib beriladi.

Shotlandiya energiyasi ko‘proq shamolga asoslangan bo‘lsa-da, bu yerda boshqa toza elektr energiyasi manbalari, jumladan quyosh, geotermal, suvning ko‘tarilishiga oid va gidroelektrstansiyalar, shuningdek, biomassani yoqish bo‘yicha qurilmalar ham ishlatiladi.

Agar prognoz amalga oshsa, unda Shotlandiya qayta tiklanadigan energiya manbalari hisobidan energiyaning katta qismini ishlab chiqaradigan kam sonli, ammo sharafli ro‘yxatda bo‘ladi. Hozir ro‘yxatdan Islandiya, Paragvay, Albaniya va Kongo Demokratik Respublikasi mavjud.